Sosial şəbəkələrdə xəstə uşağın adından pul yığılması məsələsi ilə bağlı Daxili İşlər Nazirliyi hərəkətə keçib.
guncelxeber.com xəbər verir ki, DİN-dən Oxu.Az-a verilən məlumata görə, fakt nəzarətə götürülüb.
Məsələ ilə bağlı ətraflı araşdırma aparılır.
17:10
Sosial şəbəkələrdə xəstə uşaqların adından pul yığan dələduzlar peyda olublar.
Sosial şəbəkələrdə Təzəgül adlı qadın 12 yaşlı nəvəsi Zəhra Dəmirovanın drepanotalassemiya xəstəliyindən əziyyət çəkdiyini bildirərək yardım istəyib.
Sosial şəbəkə istifadəçiləri xəstə üçün yardım kompaniyasına başlayıblar.
Yardım üçün müraciət edən qadın nəvəsinin xəstəlik kağızlarını, valideyninin şəxsiyyət vəsiqəsini paylaşıb. Eləcə də pul yığılacaq bank kartını və mobil telefon nömrəsini yardım xəbərində qeyd edib.
Məlumat yayımlandıqdan sonra, Zəhra Dəmirovanın anası Aynur Dəmirova xəbərin onlara aid olmadığını, bank kartının və nömrənin yalan olduğunu bildirib.
Hazırda faktla bağlı Daxili İşlər Nazirliyinə müraciət ünvanlanıb.
guncelxeber.com