Abakanda küçədə yoldan keçən şəxsə balta ilə hücum edən 40 yaşlı şübhəli saxlanılıb.
guncelxeber.com xəbər verir ki, bu barədə Rusiya İstintaq Komitəsi əməliyyat görüntülərini paylaşıb.
Departamentin məlumatına görə, Tıva sakini məişət münaqişəsi zamanı kişiyə hücum edib və onun başına balta ilə bir neçə zərbə vurub.
Yaralı xəstəxanaya yerləşdirilib, həkimlər ona beyin əzilməsi və döş sümüyünün sınığı diaqnozu qoyublar. O, reanimasiyadadır.
Şübhəli şəxs balta ilə digər şəxslərə də hücum edib. Polisin məlumatına görə, yaralıların sayının çox olma ehtimalı var. Kəsik yaraları alan daha bir şəxs haqqında isə məlumat dəqiqləşdirilir.
Hadisənin digər təfərrüatı və şəraiti hələlik açıqlanmır.
Faktla bağlı “adam öldürməyə cəhd” maddəsi ilə cinayət işi açılıb.
13:40
Xakasiyada (Rusiya) dəhşətli hadisə baş verib. Belə ki, əlində balta olan yarıçılpaq kişi yoldan keçənlərə hücum edib.
Sosial şəbəkələrdə bununla bağlı görüntülər yayılıb. Kadrlarda yarıçılpaq şəxsin qəddar hücumları əks olunub.
Abakan İctimai Nəzarətin İnkişafı Mərkəzinin məlumatına görə, hadisə polis tərəfindən qeydə alınıb, hüquq-mühafizə orqanlarının əməkdaşları hadisə yerində işləyirlər.
“Polis və təcili yardım artıq hadisə yerindədir. Balta ilə insanlara hücum edən şəxs axtarılır”, – deyə açıqlamada bildirilir.
(Diqqət! Həssas görüntülər)
Mənbə: vremya.press
guncelxeber.com